Былы прэзідэнт Міжнароднай федэрацыі цяжкай атлетыкі (IWF) Готфрыд Шедль памёр ва ўзросце 96 гадоў, паведамляецца на афіцыйным сайце арганізацыі.

Прычына смерці Шедля не ўдакладняецца. З 1964 года ён уваходзіў у выканкам IWF, а з 1972 па 2000 год узначальваў федэрацыю. На пасадзе прэзідэнта IWF Шедля змяніў Тамаш Аян, які быў часова адхілены ад пасады ў студзені бягучага года.

“З'яўляючыся адной з самых значных фігур у міжнародным спорце, Шедль пакінуў свой след і ў цяжкай атлетыцы. Міжнародны алімпійскі камітэт (МАК) таксама удастоіў яго Алімпійскага ордэна. IWF выказвае шчырыя спачуванні яго жонцы Еве, сям'і і Аўстрыйскай федэрацыі цяжкай атлетыкі”, – гаворыцца ў паведамленні.

крыніца: IWF